Penn State Health pran angajman pou asire tout pasyan ak vizitè yo gen aksè a kominikasyon efikas pandan y ap resevwa swen nan etablisman nou yo. Asire pasyan yo ka efikasman bay pèsonèl nou an yon deklarasyon klè sou kondisyon medikal yo, bezwen yo, dosye medikal yo, ak konprann evalyasyon ekip swen sante a sou kondisyon medikal yo epi opsyon trètman yo esansyèl pou yon bon jan kalite swen pou pasyan yo.
Nan Penn State Health, genyen sèvis asistans lang ki disponib pou ou gratis pou swen medikal ou. Si lang prensipal ou se pa Anglè, ki enkli Lang Siy, epi ou ta renmen kominike bezwen medikal ou yo nan lang sa a, tanpri enfòme pèsonèl nou an ou bezwen yon entèprèt medikal. Pandan sejou ou a, pèsonèl nou an ka ede w jwenn aksè nan sèvis asistans lang sa yo ki annaprè a pou swen medikal ou:
- Entèpretasyon atravè telefòn disponib 24 èdtan sou 24, 7 jou sou 7
- Entèpretasyon a Distans sou Videyo
- Entèprèt medikal pwofesyonèl an pèsòn
- Sèvis tradiksyon dokiman medikal
Entèpretasyon Medikal
Toujou genyen sèvis entèpretasyon medikal gratis disponib pou pasyan yo ak fanmi yo nan plis pase 150 lang ak dyalèk, ansanm ak Lang Siy Ameriken. Opsyon entèpretasyon yo enkli videyo konferans ak sèvis telefònik. Yo ka fè aranjman pou entèprèt lang siy sou plas alavans. Fè nenpòt manm pèsonèl la konnen si ou ta renmen gen yon entèprèt. Nan okenn sikonstans yo pa dwe itilize yon entèprèt medikal ki pa sètifye kòm yon entèprèt.
Sèvis Entèprèt yo:
- Hampden Medical Center: 717-981-8134
- Holy Spirit Medical Center: 717-763-3082
- Lancaster Medical Center: 223-287-8204
- Milton S. Hershey Medical Center: Imèl [email protected]
- St. Joseph Medical Center: 484-955-5168
- Gwoup Medikal: Rele responsab biwo kote pasyan an te resevwa swen an
Tradiksyon Ki Pa Medikal
Yo ka itilize Google Translate pou tradui siy, meni ak dokiman ki pa gen rapò ak swen sante epi konvèzasyon nan plis pase 130 lang. Tanpri sonje Penn State Health pa responsab pou tradiksyon ki
pa kòrèk.
Telechaje aplikasyon Google Translate sou Google Play oswa App Store.
Kesyon Moun Poze Souvan
Ki lang ki disponib pou bezwen entèpretasyon oswa pou tradiksyon medikal mwen yo?
Nou ofri sèvis lang pou plis pase 150 lang ak dyalèk atravè entèpretasyon oral ak tradiksyon ekri.
Kòman Mwen ka jwenn yon entèprèt medikal?
Tanpri enfòme pèsonèl nou an oumenm oswa yon pwòch ou bezwen yon entèprèt medikal.
Èske yon manm fanmi oswa yon zanmi ka entèprete pou mwen?
Penn State Health rekonèt fanmi ak zanmi jwe yon wòl enpòtan nan ekip swen an. Sepandan, nou pran angajman pou bay bon jan kalite swen, epi pi bon fason pou fè sa se atravè yon entèprèt medikal ki kalifye ak/oswa lisansye pou asire kominikasyon enfòmasyon medikal ki egzak ak efikas ant pèsonèl nou an ak pasyan nou yo.